2015 jylǵy 17 maýsym, Astana, Úkimet Úıi
«Kúzet qyzmeti týraly» Qazaqstan Respýblıkasynyń Zańyn iske asyrý jónindegi sharalar týraly» Qazaqstan Respýblıkasy Úkimetiniń 2002 jylǵy 5 sáýirdegi № 407 qaýlysyna ózgerister engizý týraly
Qazaqstan Respýblıkasynyń Úkimeti qaýly etedi:
1. «Kúzet qyzmeti týraly» Qazaqstan Respýblıkasynyń Zańyn iske asyrý jónindegi sharalar týraly» Qazaqstan Respýblıkasy Úkimetiniń 2002 jylǵy 5 sáýirdegi № 407 qaýlysyna mynadaı ózgerister engizilsin:
1-tarmaq mynadaı redaksııada jazylsyn:
«1. Qosa berilip otyrǵan kúzet qyzmeti sýbektileri jumyskerleriniń paıdalanýyna arnalǵan arnaýly quraldardyń tizbesi bekitilsin.»;
kórsetilgen qaýlymen bekitilgen Jeke kúzet uıymdary paıdalanatyn arnaýly qorǵaý quraldary men arnaýly tehnıkalyq quraldardyń tizbesi osy qaýlyǵa qosymshaǵa sáıkes jańa redaksııada jazylsyn.
2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń 2015 jylǵy 17 maýsymdaǵy № 454 qaýlysyna qosymsha
Qazaqstan Respýblıkasy Úkimetiniń 2002 jylǵy 5 sáýirdegi № 407 qaýlysymen bekitilgen
Kúzet qyzmeti sýbektileri jumyskerleriniń paıdalanýyna arnalǵan arnaýly quraldardyń tizbesi
1. Rezeńke taıaqshalar.
2. Inkassasııa men qundylyqtardy tasymaldaýǵa arnalǵan brondy mashınalar.
3.1- 5-qorǵaý synyptaryndaǵy qorǵaý keýdesheleri.
4. 1 - 3-qorǵaý synyptaryndaǵy qorǵaý shlemderi.
5. Qol kisenderi.
6. Qarýlardy, jarylǵysh zattar men qurylǵylardy anyqtaıtyn detektorlar.
7. Radıoaktıvti, hımııalyq jáne ózge de ýlaǵysh zattardy anyqtaıtyn detektorlar.
8. Kúzet, dabyl sıgnalızasııasy júıeleri.
9. О́týdi baqylaý júıesi.
10. Qosarly qoldanylatyn tehnıkaǵa jatpaıtyn televızııalyq beınebaqylaý jáne beınekúzet júıeleri.
11. Habar berý, onyń ishinde radıoarnalar arqyly habar berý júıeleri.
Eskertpeler:
1. Rezeńke taıaqshalardy qoldaný kezinde olarmen quqyq buzýshylardyń basyna, moınyna jáne buǵana tusyna, ishi men jynys organdaryna soqqy berýge tyıym salynady.
2. Tizbe jeke kúzet uıymdaryna ǵana qoldanylady.